Handbolti

Róbert hættir með Gróttu eftir tíma­bilið

Runólfur Trausti Þórhallsson skrifar
Róbert Gunnarsson mun ekki þjálfa Gróttu á næsta tímabili.
Róbert Gunnarsson mun ekki þjálfa Gróttu á næsta tímabili. Vísir/Hulda Margrét

Róbert Gunnarsson, betur þekktur sem Robbi Gunn, hættir sem þjálfari Gróttu að tímabilinu loknu í Olís-deild karla í handbolta. Davíð Örn Hlöðversson, aðstoðarþjálfari Róberts, tekur við liðinu.

Davíð Örn hefur undanfarin þrjú ár verið aðstoðarþjálfari Róberts. Hann skrifar undir þriggja ára samning. hans helsta markmið er að koma félaginu í úrslitakeppnina en undanfarin tvö tímabil hefur Grótta endað í 9. sæti Olís-deildar karla.

„Davíð er Gróttufólki vel kunnugur enda þjálfað hjá félaginu í 20 ár og því mikil gleðitíðindi innan félagsins að Davíð hafi skrifað undir samning um þjálfun meistaraflokks karla. Á sama tíma og stjórn Handknattleiksdeildar Gróttu býður Davíð Örn velkominn í nýja stöðu vill stjórnin þakka Róberti fyrir gott og óeigingjarnt starf í þágu Gróttu undanfarin ár,“ segir í yfirlýsingu Gróttu.

Grótta er í 10. sæti með 10 stig, tveimur frá fallsæti, þegar 18 umferðum af 22 er lokið.

Handbolti Olís-deild karla Grótta

Mest lesið


Fleiri fréttir

Sjá meira


×

Mest lesið