Ís­land í neðsta og næst­neðsta sæti hjá Ísraelum

Á vefsíðu Eurovision má sjá samantekt um hve mörg stig hvert og eitt land hlaut í bæði símakosningu og frá dómnefndum. Þá kemur fram í hvaða sæti íslenska lagið hafnaði hjá hverri þjóð fyrir sig, bæði í símakosningum og frá dómnefndum.

Líkt og áður hefur komið fram hlutu VÆB bræður stig frá eftirfarandi löndum:

• Tíu frá Danmörku
• Sex frá Finnlandi
• Fimm frá Svíþjóð
• Fimm frá Eistlandi
• Þrjú frá Noregi
• Eitt frá Slóveníu
• Eitt frá Króatíu
• Eitt frá Þýskalandi
• Eitt frá Austurríki

En í samantekt af stigagjöf landanna til Íslands, bæði í símakosningum og frá dómnefndum, kemur fram að Ísraelar gáfu Íslandi fæst stig. Dómnefndin setti VÆB-bræður næstaftast í röðina en Ísland fékk fæst atkvæði Ísraela í símakosningunum. 

Í samantektinni kemur einnig fram að litlu hafi munað að Ísland hefði nælt sér í stig úr símakosningum Ástrala, en íslenska lagið endaði í ellefta sæti í símakosningunni þar í landi.