Erlent

Sagður hafa bannað Ís­raelum að drepa æðsta­klerkinn

Jón Ísak Ragnarsson skrifar
Donald Trump segir að Ísrael og Íran muni ná friðarsamkomulagi.
Donald Trump segir að Ísrael og Íran muni ná friðarsamkomulagi. AP

Donald Trump Bandaríkjaforseti er sagður hafa ekki gefið grænt ljós á plan Ísraela um að ráða æðstaklerkinn í Íranaf dögum. Sagt er að hann hafi sagt Benjamín Netanyahu forsætisráðherra Ísrael að það væri ekki góð hugmynd.

BBC, Telegraph og Reuters eru meðal þeirra sem greint hafa frá þessu en Netanyahu varðist svara er hann var spurður út þetta í viðtali við Fox.

„Það eru svo margar falsfréttir af samtölum sem áttu sér aldrei stað, og ég ætla ekki að fara svara fyrir þetta.“

„En ég get sagt þér að við gerum þar sem við þurfum að gera. Við munum gera það sem við þurfum að gera og ég held að Bandaríkin viti hvað væri þeim í hag og ég ætla bara ekki að fara út í þetta,“ sagði Netanyahu.

Samkvæmt umfjöllun Telegraph urðu til drög að plani hvernig hægt væri að gera atlögu að æðstaklerkinum á sunnudeginum. Ísrael hafi borið drögin undir Trump sem hafi hafnað þeim og sagt þeim að þetta væri ekki skynsamlegt.

Trump sagði á samfélagsmiðlum í dag að Íran og Ísrael ættu að ná samkomulagi sem fyrst.

„Þau ættu að gera samning og þau munu gera samning. Alveg eins og ég lét Indland og Pakistan gera samning ... Við munum fljótlega sjá FRIÐ milli Ísrael og Íran, það eru mörg símtöl og margir fundir sem eiga sér stað þessa dagana.“

„Ég geri mjög mikið en fæ aldrei þakkir fyrir, en það er allt i lagi, fólkið skilur þetta.“

„GERUM MIÐ-AUSTURLÖND FRÁBÆR Á NÝ“

Færsla Trumps.
Bandaríkin Íran Ísrael

Tengdar fréttir

Tíu drepnir í Ísrael og Írönum ráðlagt að rýma

Loftárásir Ísraela og Írana á víxl héldu áfram í nótt. Björgunarsveitir í Ísrael leita í rústum íbúðarhúss í borginni Bat Yam en minnst tíu eru taldir af, þar af börn, eftir að eldflaug var skotið á húsið. Óttast er að fleiri séu enn undir rústunum. 

Minnst þrír latnir í Ís­rael og Teheran í ljósum logum

Minnst þrír eru látnir eftir eldflaugaárásir Írans á norðurhluta Ísraels. Ísraelsk yfirvöld segja að flaugar hafi hæft skotmörk í borginni Tamra, og minnst fjórtán hafi slasast. Ísraelar hafa gert árásir í Teheran þar sem fregnir berast af eldsvoða og sprengingum hjá olíubirgðarstöðvum.

Varnarmálaráðherra segir að Tehran muni brenna

Israel Katz varnarmálaráðherra Ísrael sagði í yfirlýsingu í morgun að Tehran, höfuðborg Íran, haldi áfram að brenna ef Ayatollah Ali Khamenei æðsti leiðtogi Íran heldur áfram að skjóta flugskeytum á heimavígstöðvar Ísrael.

Mest lesið


Fleiri fréttir

Sjá meira


×

Mest lesið