Lífið

Retró-draumur í Hlíðunum

Svava Marín Óskarsdóttir skrifar
Íbúðin hefur verið eins í rúma sex áratugi.
Íbúðin hefur verið eins í rúma sex áratugi.

Við Blönduhlíð í Reykjavík er til sölu einstaklega sjarmerandi 168 fermetra íbúð með sérinngangi. Húsið var byggt árið 1949 og hefur fengið gott viðhald í gegnum árin. Ásett verð er 123 milljónir króna.

Í lýsingu eignarinnar kemur fram að hún hafi haldist óbreytt í rúma sex áratugi og ber þess merki að vel hafi verið hugsað um hana. Þegar inn er komið er eins og stigið sé inn í tímavél, þar sem upprunalegar innréttingar, veggfóður og retró-húsgögn mynda samræmda heild sem endurspeglar stíl þess tíma.

Sérstaklega má nefna eldhúsið, sem hefur verið varðveitt af mikilli natni. Það er fágætt að rekast á slíkar upprunalegar innréttingar í dag og eldhúsið er sannkallaður dýrgripur fyrir hönnunarunnendur. Á gólfum er korkur og viðarfjalir í lofti.

Í íbúðinni eru tvær samliggjandi stofur með stórum gluggum, aðskildar með franskri glerhurð.

Baðherbergið er flísalagt með fagurgrænum flísum, baðkari og hvítri innréttingu. Þá er skemmtilegt að sjá að gardínurnar eru í sama lit og flísarnar.

Samtals eru þrjú svefnherbergi í íbúðinni. Eigninni fylgir einnig 27 fermetra sérstæður bílskúr.

Nánari upplýsingar má nálgast á fasteignavef Vísis.

Húsið var byggt árið 1949 en hefur fengið gott viðhald að utan í gegnum árin.
Veggfóður með ólíkum mynstrum og áferð prýðir rýmin.
Eldhúsinnréttingin er upprunaleg og afar sjarmerandi.
Borðkrókurinn minnir á leikmynd úr gömlum kvikmyndum.
Svefnherbergið er rúmgott með innbyggðum fataskápum.
Úr forstofunni er gengið inn í rúmgott parketlagt hol.
Húsgögnin eru í retró-stíl.
Baðherbergið er flísalagt með fagurgrænum flísum.
Í sameign á jarðhæð er stórt herbergi sem upphaflega var hugsað sem tvær geymslur, en hefur lengst af verið sameinað og notað sem íverurými.
Hús og heimili Fasteignamarkaður Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.