Innlent

Vaktin: Vegum lokað og varað við ferða­lögum á Suður­landi

Hólmfríður Gísladóttir skrifar
Spáin klukkan 10 í dag.
Spáin klukkan 10 í dag. Veðurstofa Íslands

Fjölda vega á Suður- og Suðvesturlandi hefur verið lokað og þá tekur appelsínugul viðvörun gildi klukkan 7, vegna suðaustan og austan illviðris sem gengur yfir landið í dag. Á Vestfjörðum er gert ráð fyrir að veður versni upp úr klukkan 11. Varað er við ferðalögum þar sem appelsínugular viðvaranir verða í gildi.

Lokað er um Kjalarnes, Hellisheiði, Þrengsli, Mosfellsheiði, Suðurstrandaveg, Hvalfjarðargöng, Hafnarfjall, Holtavörðuheiði, Bröttubrekku og Fróðárheiði.

Þá er óvissustig á Reykjanesbraut til klukkan 12, sem þýðir að vegurinn gæti lokast með stuttum fyrirvara.

Veðurstofa spáir suðaustan og austan 18-28 m/s undir morgun, hvassast suðvestantil. Talsverð snjókoma eða slydda, einkum suðaustan- og austanlands, en skúrir um landið sunnan- og vestanvert síðdegis. Hægari og úrkomuminna um landið norðaustanvert. Snýst í sunnan 8-15 eftir hádegi með slydduéljum, en austan hvassviðri og snjókoma norðan- og austantil fram á kvöld. Hlýnar í veðri, hiti um eða yfir frostmarki síðdegis.

Hvernig er veðrið hjá þér? Þú getur sent okkur myndir og myndbönd af veðrinu eða fréttaskot á ritstjorn@visir.is.

Fréttastofa Sýnar fylgist með þróun mála í vaktinni hér fyrir neðan. Ef hún birtist ekki er ráð að endurhlaða síðunni.

Veður Umferð Færð á vegum

Mest lesið


Fleiri fréttir

Sjá meira
×

Mest lesið