Gerðu pallinn og svalirnar að upp­áhalds­stað sumarsins!

„Þessa dagana flykkjast landsmenn í verslanir JYSK til að kaupa sér garðhúsgögn,“ segir hann og brosir. „Þegar vorið lætur sjá sig þá kviknar þessi löngun hjá fólki að gera fínt í kringum sig úti.“

JYSK hefur um árabil verið stórt nafn þegar kemur að garðhúsgögnum, bæði hér á landi og erlendis. En hvað er það sem gerir verslunina svona sterka á þessu sviði? „Við bjóðum upp á ótrúlega gott úrval garðhúsgagna og erum einfaldlega mjög sterk í þessum vöruflokki,“ segir Ívar. „Ég hef starfað hér í 21 ár og séð hvernig úrvalið hefur aukist og batnað ár eftir ár. Úrvalið í dag er ótrúlega flott og ég get óhræddur sagt að JYSK sé leiðandi í sölu garðhúsgagna hér á landi.“

Hann bendir á að þróunin í garðhúsgögnum hafi verið mikil síðustu tvo áratugi. „Fyrir 20 árum var þetta mikið plast, t.d. hvít plastborð og plaststólar sem margir muna eftir. En síðan hefur þetta þróast í vistvænni og vandaðri lausnir. Húsgögnin í dag eru sterkari, fallegri og auðveldari í endurvinnslu.“

Hrein, látlaus og hlýlega hönnun

Skandinavískt yfirbragð hefur lengi verið eitt af aðalsmerkjum JYSK og það endurspeglast vel í garðhúsgögnunum. „Við erum með þetta hreina, látlausa og hlýlega lúkk sem margir kunna að meta. Þetta er stíll sem passar vel við íslensk heimili og útisvæði,“ segir Ívar.

Vinsældir garðhúsgagna hafa einnig breyst með tímanum. Í dag leitar fólk í auknum mæli að heildarlausnum. „Það sem selst mest hjá okkur núna eru sett, t.d. sófi, tveir stólar og borð eða hornsófar fyrir pallinn,“ útskýrir hann. „Um 60% af því sem við seljum eru svona sófasett. Áður voru það frekar borð og stólar en nú vill fólk fá tilbúna heild sem það getur einfaldlega komið fyrir.“

Þessi þróun gerir fólki auðveldara fyrir. „Þú þarft ekki að púsla öllu saman sjálfur, þetta er bara tilbúið og passar saman. Það sparar tíma og oft líka hausverk,“ segir hann léttur í bragði.

Einnig hefur aukist áhersla á að bjóða upp á heildarútlit fyrir pallinn eða garðinn. „Við erum með blómapotta og fylgihluti í sama stíl og húsgögnin þannig að fólk getur skapað samræmt og fallegt umhverfi.“

Nýjar vörur slá í gegn

Meðal nýjunga sem hafa vakið mikla athygli eru svokallaðar pergólur. „Við byrjuðum með þær í fyrra og þær seldust upp strax,“ segir hann. „Þetta er eins konar opið skýli með dúk sem hægt er að draga yfir og gerir fólki kleift að sitja úti þó það komi smá rigning. Veitingastaðir voru sérstaklega duglegir að kaupa þessa vöru hjá okkur.“

Hann nefnir einnig að ákveðnar vörur hafi slegið í gegn á undanförnum árum, til dæmis viðarflísar sem hægt er að leggja á pall eða gras. „Þær hafa rokið út. Þetta er einföld leið til að búa til fallegt útisvæði.“

Öll garðhúsgögnin sem JYSK selur eru úr eigin línu. „Þetta eru JYSK húsgögn alla leið, hönnuð og þróuð innan fyrirtækisins og koma til okkar frá Danmörku,“ segir Ívar. „Á hverju ári er vöruúrvalið einnig endurnýjuð að hluta en um 20% garðhúsgagna fara út og nýjar vörur koma inn í staðinn. Það er alltaf verið að fínpússa, breyta efnum, bæta hönnunina og gera hlutina enn betri.“

Góðir afslættir á Garðhúsgagnadögum

Verslunin á Smáratorgi gegnir lykilhlutverki í starfsemi JYSK hér á landi. „Hún er stærsta og söluhæsta JYSK verslunin í heiminum,“ segir Ívar stoltur. „Það er auðvitað magnað þegar maður hugsar um að verslanirnar eru um 4.000 talsins. Enda koma erlendir samstarfsaðilar hingað til að sjá hvernig við gerum hlutina.“

Þessa dagana standa yfir Garðhúsgagnadagar hjá JYSK sem standa yfir til 27. apríl. Þar gefst tækifæri til að gera góð kaup fyrir sumarið. „Við bjóðum upp á mikið af vörum á afslætti þá daga, t.d. sumarhúsgögn, sessur og fleira tengt sumrinu,“ segir Ívar. „Fólk getur virkilega gert góð kaup á þessum tíma.“

Að lokum bendir Ívar á að allar helstu upplýsingar um garðhúsgögn og aðrar vörur JYSK megi finna á vef verslunarinnar. „Einnig bjóðum við upp á heimsendingu gegn vægu gjaldi sem margir nýta sér.“

Hann horfir bjartsýnn fram á sumarið. „Langtíma veðurspár eru góðar og við erum spennt. Ef spár ganga eftir þá verður þetta frábært sumar og þá er gott að vera tilbúinn með pallinn, svalirnar og garðinn í toppstandi. Ég hvet því sem flesta til að grípa tækifærið núna, þegar vorið er að banka upp á og gera útisvæðið að uppáhaldsstað sumarsins.“