Jarð­skjálfti skók Kaup­manna­höfn

Í frétt danska ríkisútvarpsins um jarðskjálftann segir að hans hafi meðal annars orðið vart á Austurbrú, í Amager, Hróarskeldu og Hellerup.

„Við vitum ekki meira en það sem við höfum lesið á netinu, að jarðskjálfti af stærðinni 4,2 hafi orðið í kringum Solrød,“ er haft eftir varðstjóra á vakt hjá lögreglunni í Kaupmannahöfn.

Á vef Evrópsku jarðskjálftastofnunarinnar, EMSC, segir að skjálftinn hafi orðið klukkan 14:14:35, rétt austur af landi, á sautján kílómetra dýpi og verið af stærðinni 3,9. Danska ríkisútvarpið vísar einnig í sænska jarðskjálftafræðinga sem segja skjálftamiðjuna hafa verið í bænum Køge, sem er suðvestan við Kaupmannahöfn.

Fréttin verður uppfærð.