Sterling breyti ferðamynstri Dana

Flugfélagið Sterling, sem er að meirihluta í eigu Íslendinga, á eftir að gjörbreyta ferðamynstri Dana, að mati stærstu ferðamiðlunar Danmerkur. Sölustjóri Star Tour spáir því að Danir muni í þúsundavís ferðast til Bandaríkjanna í stað þess að halda austur á bóginn næsta vor þegar Sterling býður upp á lággjaldaflug til Bandaríkjanna. Búist er við að flugið aðra leiðina muni kosta 10 til 15 þúsund íslenskar krónur með sköttum en það er um helmingi lægra verð en SAS býður.