Aldraðir fá þjónustuíbúðir

Byggja á 160 íbúðir fyrir eldri borgara á Kársnesi í Kópavogi. Rífa á öll hús, að mestu atvinnuhúsnæði, á fjórum lóðum við Vesturvör og Hafnarbraut. Íbúðirnar verða á bilinu 70 til 140 fermetrar að stærð samkvæmt tillögu sem unnin er fyrir lóðarhafann Hafbraut ehf.

Byggingin verður á bilinu þrjár til fimm hæðir. Í eitt þúsund fermetra þjónustuálmu á að vera fjölnota matsalur með eldhúsi, heilsugæsla, heimahjúkrun, tómstundaaðstaða, sjúkraþjálfun, þvottahús og kapella, að því er segir í fundargerð bæjarstjórnar Kópavogs.