Parker afgreiddi Lakers | Knicks lagði Boston

Tony Parker fór mikinn og var með tvöfalda tvennu er San Antonio Spurs pakkaði LA Lakers saman. Parker skoraði 29 stig og gaf 13 fráköst. Spurs getur nú ekki lent neðar en í öðru sæti Vesturdeildar.

Fjögurra leikja sigurganga LA Lakers án Kobe Bryant er því á enda en Bryant mun heldur ekki spila með Lakers gegn Warriors í nótt. Andrew Bynum skoraði 21 stig fyrir Lakers í leiknum.

Carmelo Anthony var með þrefalda tvennu - 35 stig, 12 fráköst og 10 stoðsendingar - er Knicks vann góðan sigur á Boston. Paul Pierce fór mikinn hjá Boston með 43 stig.

Knicks í sjöunda sæti Austurdeildar þegar aðeins á eftir að spila fimm leiki í deildinni.

Úrslit:

Philadelphia-Indiana  97-102

Detroit-Cleveland  116-77

NY Knicks-Boston  118-110

Minnesota-Memphis  84-91

LA Lakers-San Antonio  91-112