Innlent

3.349 greindust innan­lands í gær og hafa aldrei verið fleiri

Atli Ísleifsson skrifar
Greint var frá því í gær að ekki verði lengur í boði fyrir fólk með einkenni Covid-sýkingar að panta PCR-sýnatöku. Vegna mikils álags við greiningu verði notkun PCR-prófa nær alfarið hætt og hraðgreiningarpróf einungis í boði fyrir almenning.
Greint var frá því í gær að ekki verði lengur í boði fyrir fólk með einkenni Covid-sýkingar að panta PCR-sýnatöku. Vegna mikils álags við greiningu verði notkun PCR-prófa nær alfarið hætt og hraðgreiningarpróf einungis í boði fyrir almenning. Vísir/Vilhelm

3.349 greindust með kórónuveiruna innanlands í gær og 167 á landamærum. Aldrei hafa svo margir fengið jákvæða niðurstöðu úr sýnatöku á einum sólarhring hér á landi frá upphafi faraldursins.

Frá þessu segir á síðunni covid.is. Nokkur bið hefur verið eftir niðurstöðum úr prófum og því er um að ræða niðurstöður úr prófum sem hafa ef til vill verið tekin á síðustu sólarhringum.

12.944 manns eru nú í einangrun vegna Covid-19. 

Á vef Landspítala segir að 42 sjúklingar liggi nú á Landspítala með Covid-19. Einn sé á gjörgæslu, og er sá ekki í öndunarvél. Meðalaldur innlagðra er 73 ár. 370 starfsmenn Landspítalans eru nú í einangrun, samanborið við 337 í gær. Á covid.is segir að á landinu séu nú 54 á sjúkrahúsi með Covid-19.

5.768 einkennasýni voru greind í gær og 1.084 landamærasýni.

Alls hafa 118.241 manns greinst með kórónuveiruna hér á landi frá því faraldurinn hófst í lok febrúar á þarsíðasta ári. 31,5 prósent íbúa hafa nú greinst með Covid-19. 61 hefur nú látist á Íslandi vegna COVID-19 frá upphafi faraldursins.

Faraldur kórónuveiru (COVID-19)

Mest lesið


Fleiri fréttir

Sjá meira


×

Mest lesið