Lífið

Stjörnurnar hver annarri skærari á rauða dreglinum

Elma Rut Valtýsdóttir skrifar
Stjörnurnar voru hver annarri glæsilegri á rauða dreglinum í nótt.
Stjörnurnar voru hver annarri glæsilegri á rauða dreglinum í nótt. Samsett

Grammy verðlaunahátíðin fór fram í Los Angeles í nótt. Þetta var í 65. sinn sem verðlaunin voru veitt. Að venju var öllu tjaldað til og skinu stjörnurnar sínu skærasta á rauða dreglinum.

Tónlistarkonan Beyoncé var klárlega sigurvegari kvöldsins en hún hlaut fjögur verðlaun. Nú á hún hvorki meira né minna en 32 Grammy-verðlaunagripi og er hún því orðinn sá einstaklingur sem hlotið hefur flest Grammy-verðlaun.

Aðrir verðlaunahafar kvöldsins voru meðal annars Harry Styles, Adele, Lizzo, Kendrick Lamar, Sam Smith og Kim Petras.

Þó svo að það sé mikill sigur fyrir tónlistarfólk að fara heim með Grammy verðlaun, getur gott augnablik á rauða dreglinum verið sigur út af fyrir sig. Hér fyrir neðan má sjá nokkrar af best klæddu stjörnum kvöldsins.

Tónlistarkonan Taylor Swift var tilnefnd til fjögurra verðlauna og fór heim með verðlaun fyrir besta tónlistarmyndbandið fyrir stuttmynd sína við lagið All Too Well. Swift klæddist dökkbláu setti frá Roberto Cavalli sem þakið var kristöllum. Hún toppaði svo dressið með skarti frá Lorraine Schwartz sem talið er að kosti rúmar 400 milljónir íslenskar krónur.Getty/Jeff Kravitz
Harry Styles var stórglæsilegur að venju. Hann klæddist þessum litríka samfesting, sem þakinn var Swarovski kristöllum, á rauða dreglinum. Hann hafði svo fataskipti áður en hann steig á svið og flutti lagið As It Was. Styles fór heim með verðlaun fyrir plötu ársins og bestu poppplötuna.Getty/Jeff Kravitz
Tónlistarmaðurinn Machine Gun Kelly og unnusta hans Megan Fox voru í stíl á Grammy verðlaunahátíðinni eins og svo oft áður. Kelly klæddist silfurlituðum jakkafötum frá Dolce & Gabbana, á meðan Fox klæddist hvítum kjól með silfurlituðum smáatriðum frá Zuhair Murad. Kelly var tilnefndur fyrir rokkplötu ársins.Getty/Kevin Mazur
Stórsöngkonan Adele var stórglæsileg í rauðum kjól úr smiðju Louis Vuitton. Hér stillir hún sér upp með Grammy verðlaunum sem hún vann fyrir besta poppsóló flutninginn fyrir lagið Easy On Me. Adele hafði ekki verið tilnefnd til verðlaunanna síðan hún sópaði að sér verðlaunum árið 2017.Getty/Alberto E. Rodriguez
Jennifer Lopez mætti ekki á rauða dregilinn, heldur mætti hún rétt áður en hún átti að kynna fyrstu verðlaun kvöldsins. Hún var stórglæsileg að venju, að þessu sinni klædd í bláan Gucci kjól með síðu slöri. J.Lo mætti á hátíðina með eiginmanni sínum Ben Affleck.Getty/Phillip Faraone
Það er óhætt að segja að tónlistarkoan Lizzo hafi stolið senunni á rauða dreglinum í þessu Dolce & Gabbana dressi. Undir skikkjunni var Lizzo í klassískum, appelsínugulum kjól og var hún stórglæsileg.Getty/Axelle/Bauer-Griffin
Stórstjarnan Sam Smith átti eitt af eftirtektarverðustu lúkkum kvöldsins. Hán mætti ásamt tónlistarkonunni Kim Petras og dragdrottningunum Violet Chachki og Gottmilk. Smith og Petras unnu til verðlauna fyrir popp dúett ársins fyrir lag sitt Unholy sem þau fluttu á hátíðinni.Getty/Jeff Kravitz
Cardi B var klárlega ein af best klæddu stjörnum kvöldsins. Tónlistarkonan var klædd í bláan kjól úr smiðju indverska hönnuðarins Gaurav Gupta. Hún mætti ásamt eiginmanni sínum, tónlistarmanninum Offset. Cardi B var vissulega ekki tilnefnd til verðlauna í þetta skiptið en það má þó segja að hún hafi komið, séð og sigrað rauða dregilinn.Getty/Jeff Kravitz
Tónlistarkonan Doja Cat er óhrædd við að fara nýjar leiðir í klæðaburði og því er alltaf spennandi að sjá hverju hún klæðist. Að þessu sinni var hún klædd í svartan vilyn síðkjól í hafmeyjustíl frá Atelier Versace.Getty/Jeff Kravitz
Tónlistarkonan Bebe Rexha minnti á Barbie dúkku frá áttunda áratugnum en það var innblásturinn að hennar eigin sögn. Hún var stórglæsileg í bleikum kjól frá Moschino, með hanska í stíl og stóra hringeyrnalokka.Getty/Matt Winkelmeyer
Kántrísöngkonan Shania Twain vakti mikla athygli í þessu áhugaverða pallíettu dressi frá Harris Reed, með hatt í stíl. Getty/Jeff Kravitz
Hin nýbakaða móðir Paris Hilton lét sig ekki vanta á Grammy verðlaunahátíðina. Hilton klæddist glitrandi síðkjól úr smiðju Celine.Getty/Lester Cohen
Tónlistarmaðurinn Pharrel Williams klæddist setti frá Ernest W. Baker og toppaði lúkkið með sólgleraugum.Getty/Jon Kopaloff
Tónlistarkonan Mary J. Blige var sérstakur gestur á hátíðinni þar sem haldið var upp á 50 ára afmæli hip-hopsins.Getty/Jeff Kravitz
Ofurfyrirsætan Heidi Klum glitraði í þessum glæsilega kjól frá hönnuðunum The Blonds. Þá var hún með fallega strandarliði í hárinu sem passaði vel við kjólinn.Getty/Allen J. Schaben
Hollywood Tíska og hönnun Grammy-verðlaunin

Tengdar fréttir

Beyoncé kom, sá og sigraði á Gram­my-verð­launahátíðinni

Tónlistarkonan Beyoncé komst í sögubækurnar í nótt þegar hún varð sá einstaklingur sem hefur hlotið flest Grammy-verðlaun. Beyoncé hlaut fjögur verðlaun á Grammy-verðlaunahátíðinni og á nú hvorki meira né minna en 32 grammafóngripi.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.