Ævintýraleg Íslandsferð Chris Hemsworth

Hemsworth hefur deilt myndum af ferðalagi þeirra feðgina á Instagram og virðist sem þau hafi aðallega ferðast um Suðurland. Þar á meðal fóru þau í hestaferð á vegum Heklu hesta, klifur á Sólheimajökli og fjórhjólaferð.

Dóttirin veiddi í soðið

Þá birti leikarinn skemmti­lega myndasyrpu úr laxveiðiferð þeirra feðgina í gær með yf­ir­skrift­inni: „Kvöld­mat­num reddað, takk Indi.“

Á myndunum má meðal annars sjá Indiu alsæla á svip með stærðarinnar lax.

Þrumuguðinn Þór

Chris er lík­lega þekktastur fyrir hlut­verk sitt sem þrumu­guðinn Þór í Mar­vel myndunum. Dóttir hans fékk einmitt að leika í stóru gestahlutverki í nýjustu myndinni, Thor: Love and Thunder.

Hann upp­götvaði seint á síðasta ári að hann væri með svo­kallað for­næmi fyrir Alz­heimer sjúk­dómnum. Það þýðir að hann er með tvo erfða­breyti­leika sem auka líkurnar á því að hann þrói með sér Alz­heimer sjúk­dóminn.

Sagðist Chris í kjöl­farið hafa á­kveðið að taka sér frí frá sviðs­ljósinu. Hann sagðist ætla að taka sér góðan tíma í frí og verja tíma með börnunum sínum og eigin­konu.