Nafn mannsins sem drukknaði við Örfirisey

Umfangsmikilli leit að sjósundsmanni, sem talið var að hefði örmagnast á sundi í sjónum út af Örfirisey þann 29. maí síðastliðinn, lauk þann 30. maí. Þyrla Landhelgisgæslunnar kom auga á manninn, sem var ekki með lífsmarki.

Lögreglan á höfuðborgarsvæðinu greindi frá því að maðurinn hefði verið erlendur ríkisborgari á þrítugsaldri. Slóvakíski miðillinn greindi svo frá því á dögunum að maðurinn hafi heitið Michal Gabriš og verið 27 ára gamall.

Á Instagramreikningi Michals má sjá að hann hafði nýlega lokið við 1.300 kílómetra hringferð um Ísland á hlaupahjóli. Ferð sem hann kallaði ævintýri lífs síns.