Innlent

Bílar sitja fastir vegna þungrar færðar

Sólrún Dögg Jósefsdóttir skrifar
Snjóþekja er á stofnbrautum höfuðborgarsvæðisins og unnið er að mokstri. Myndin er úr safni.
Snjóþekja er á stofnbrautum höfuðborgarsvæðisins og unnið er að mokstri. Myndin er úr safni. Vísir/Vilhelm

Lokað hefur verið fyrir umferð um vegi í kringum höfuðborgarsvæðið vegna óveðurs sem ríður yfir landið. Þung færð er um helstu stofnbrautir höfuðborgarsvæðisins og víða sitja bílar fastir. 

Gul veðurviðvörun er í gildi um allt land að undanskildu Norðurlandi eystra, Austfjörðum og Austurlandi. 

Sigríður Inga Sigurðardóttir, upplýsingafulltrúi Vegagerðarinnar, segir í samtali við fréttastofu að allir snjómokstursbílar hafi verið ræstir út og unnið sé að mokstri á höfuðborgarsvæðinu. 

Á vef Vegagerðarinnar eru upplýsingar um veglokanir en nánari upplýsinga vegna Þrengsla og Hellisheiðar er að sögn Sigríðar að vænta klukkan tíu.

Uppfært klukkan 22:15: Samkvæmt vef Vegagerðarinnar er áætlað að opna fyrir umferð um Hellisheiði klukkan tólf.

Lokað er fyrir umferð um marga vegi og unnið er að snjómokstri vegna ísingar á vegum á höfuðborgarsvæðinu. Vegagerðin

Hún segir færðina í borginni hafa þyngst á stuttum tíma og biður vegfarendur að aka á vel útbúnum bílum. Þá biðlar hún til fólks að fylgjast með vefnum Umferdin.is. 

Situr þú fastur/föst í umferðinni? Fréttnæmar ábendingar og ljósmyndir má senda á Solrundj@syn.is eða sem fréttaskot á vef Vísis. 

Færð á vegum Veður Umferð Snjómokstur Reykjavík

Mest lesið


Fleiri fréttir

Sjá meira


×

Mest lesið