LeBron James breytir öllu hjá sér - meira segja eiginhandarárituninni

LeBron James skipti eins og öllum er kunnugt um lið í NBA-deildinni í sumar þegar hann ákvað að framlengja ekki samning sinn við Cleveland Cavaliers en samdi þess í stað við Miami Heat. Það líta margir svo á að með þessu hafi hann snúið NBA-deildinni á hvolf.

LeBron James var þá þegar búinn að tilkynna það að hann myndi skipta um númer og nú er kappinn meira að segja búinn að breyta eiginhandaáritunni sinni. Það verður því algjörlega nýr og endurfæddur maður sem byrjar að spila með Miami Heat þegar NBA-deildin hefst á nýjan leik.

LeBron James hefur alltaf skrifað stórt L og svo númer 23 fyrir aftan þegar hann hefur gefið aðdáendum sínum eiginhandaráritun en Miami Herald skýrði frá því að nú skrifi kappinn skammstöfun sína, LJ og bætir svo 6 fyrir aftan. Það má sjá muninn í þessarri bloggfærslu hér.