Full­trúar Trump á fund Pútíns og svo Selenskís

Volodimír Selenskí Úkraínuforseti hefur gefið það út að hann muni hitta tvímenningana í Kænugarði á sunnudag eftir að þeir munu hafa rætt við Vladimír Pútín Rússlandsforseta í Moskvu í dag, laugardag.

„Þeir munu mæta til þeirra með tillögu um að binda enda á stríðið,“ sagði Donald Trump Bandaríkjaforseti í gær þegar hann var spurður út í heimsóknina.

Innrásarstríð Rússa í Úkraínu er komið á fimmta ár en víglínan hefur verið svo gott sem frosin allra síðustu ár. Selenskí sagði í gær að rússneskir drónar hefðu hæft höfuðstöðvar öryggisstofnunar Úkraínu. 

Oleksanders Poklad, sem er yfirmaður öryggismála í landinu. Poklad sakaði ekki en úkraínuforseti kvaðst hafa gefið Poklad þau fyrirmæli að svara þessum árásum „á fullnægjandi hátt“.

Í morgun greindu stjórnvöld í Kamianske í suðaustanverðri Úkraínu frá því að fjórir hefðu fallið í árás Rússa í borginni. Fimm til viðbótar hefðu særst.

Witkoff og Kushner hafa oft áður heimsótt Rússland en hafa ekki haft viðræður í Úkraínu.