Samþykkja sölu á hundruðum Patriot-flauga

Áróra L Davíðsdóttir skrifar 31. október 2026 07:54

Vólódímír Selenskí Úkraínuforseti og Donald Trump Bandaríkjaforseti funduðu í New York um miðjan september síðastliðinn. AP/Julia Demaree Nikhinson

Bandaríkjastjórn hefur samþykkt sölu á fimm hundruð Patriot-eldflaugum til Úlraínumanna en Patriot-varnarkerfið er Úkraínumönnum nauðsynlegt í vörnum sínum gegn rússneskum skotflaugum.

Utanríkisráðuneyti Bandaríkjanna sagði að flaugarnar yrðu alfarið fjármagnaðar með framlögum frá Kanada, Noregi og Þýskalandi auk láni frá Evrópusambandinu, segir í umfjöllun Reuters. Bandaríkin tæku ekki þátt í fjámögnun kaupanna. Salan er metin á um 2,1 milljarð bandaríkjadala eða X íslenskra króna.

Volodímír Selenskí Úkraínuforseti varaði við því að mörg ár gætu tekið fyrir flaugarnar að berast til Úkraínumanna, að því er kemur fram í frétt BBC. Hann hefur ítrekað að Bandaríkin afhendi flaugarnar með hraði en þær séu eina vörn Úkraínu gegn loftárásum Rússa.

Sjá einnig: Bað Trump um „vetrarpakka“

Stirt hefur verið á milli Donalds Trump Bandaríkjaforseta og Selenskís á síðustu vikum. Trump tilkynnti meðal annars dísilsamning við Rússland og hefur ítrekað gagnrýnt Selenskí fyrir árásir Úkraínuhers á rússneska orkuinnviði.

Innrás Rússa í Úkraínu Rússland Úkraína Bandaríkin Hernaður

Tengdar fréttir

Létu sprengjum rigna yfir Kænugarð

Rússar skutu mörgum skotflaugum og flugu fjölda sjálfsprengidróna að Kænugarði og öðrum borgum Úkraínu í gærkvöldi og í nótt. Að minnsta kosti 21 skotflaug lenti í höfuðborginni í þremur mismunandi bylgjum en samkvæmt Úkraínumönnum bar allavega ein þeirra klasasprengjur, sem hannaðar eru til að dreifa tugum smærri sprengja yfir stórt svæði.

22. október 2026 11:08

Ræddu

Vólódímír Selenskí, forseti Úkraínu, segist hafa átt góðan fund með kollega sínum Donald Trump í Hvíta húsinu í dag. Þeir hafi meðal annars talað um mögulega framleiðslu flugskeyta í Patriot-loftvarnarkerfi í Úkraínu, mögulegar friðarviðræður og hvernig þeir gætu varið líf Úkraínumanna.

28. júlí 2026 15:57

Mest lesið

Fleiri fréttir