Bandaríkin

Bandaríkin

Fréttir í tímaröð

Fréttamynd

Demó­kratar unnu orrustu í kjördæmastríðinu

Dómarar Hæstaréttar Bandaríkjanna neituðu í gær að taka fyrir mál sem Repúblikanar og ríkisstjórn Donalds Trump hafa höfðað gegn Kaliforníu. Málið snýr að breytingum sem gerðar hafa verið á kjördæmum þar fyrir þingkosningarnar í nóvember en Repúblikanar vildu fá breytingarnar felldar niður, þar sem þær munu líklega koma niður á þingmannafjölda þeirra.

Erlent
Fréttamynd

Segir Bill og aðra þurfa að svara fyrir tengsl sín við Epstein

„Persónulega, þá er það erfitt fyrir mig þegar þessi smáatriði koma í ljós, skilurðu? Því þá vakna minningar um afar erfiða tíma í hjónabandinu mínu,“ sagði Melinda French Gates, fyrrverandi eiginkona Bill Gates, þegar hún var spurð út í tölvupósta sem hafa vakið athygli í Epstein-skjölunum.

Erlent
Fréttamynd

Eitt fórnar­lamba Epsteins sagt búa á Ís­landi

Kona sem sakaði Jeffrey Epstein um að brjóta kynferðislega á sér var búsett á Íslandi samkvæmt töluvpósti sem lögmenn hóps fórnarlamba hans sendu fyrir sex árum. Tölvupósturinn er á meðal milljóna skjala sem bandarísk yfirvöld hafa birt úr rannsókn á Epstein.

Innlent
Fréttamynd

Íranar reyndu að stöðva danskt olíu­flutninga­skip

Íranskir sjóliðar um borð í sex vélbyssubúnum hraðbátum reyndu í morgun að stöðva danskt olíuflutningskip, sem siglt er undir bandarískum fána, á Hormuz-sundi í Persaflóa. Stjórnendur skipsins juku hraða þess og komust þannig undan þegar írönsku sjóliðarnir skipuðu þeim að stöðva skipið. Seinna í dag var olíuflutningaskipinu svo fylgt eftir af bandarísku herskipi.

Erlent
Fréttamynd

Segir að Repúblikanar eigi að „þjóð­nýta“ næstu kosningar

Tulsi Gabbard, yfirmaður leyniþjónusta Bandaríkjanna, sagði þingmönnum í gær að hún hafi verið viðstödd húsleit útsendara Alríkislögreglu Bandaríkjanna (FBI) í húsnæði kjörstjórnar í Fulton-sýslu í Georgíu, af því Donald Trump hafi beðið hana um að vera þar. Þá viðurkennir hún að hafa gert Trump kleift að ræða við starfsmenn FBI sem framkvæmdu húsleitina en segir að hvorki hún né Trump hafi gefið þeim skipanir.

Erlent
Fréttamynd

Meryl Streep verður Joni Mitchell

Stórleikkonan Meryl Streep mun leika tónlistargoðsögnina Joni Mitchell í óhefðbundinni ævisögumynd í leikstjórn Cameron Crowe. Anya Taylor-Joy hefur verið orðuð við yngri útgáfu af Mitchell en það er enn óstaðfest.

Bíó og sjónvarp
Fréttamynd

Tunglskotinu frestað til mars vegna leka

Forsvarsmenn Geimvísindastofnunar Bandaríkjanna (NASA) hafa ákveðið að fresta því að senda geimfara til tunglsins þangað til í mars. Til stóð að skjóta fjórum geimförum af stað til tunglsins um næstu helgi en eldsneytislekar fundust í gær á Space Launch System (SLS) eldflauginni sem á að koma geimförunum í leiðangrinum Artemis 2 af stað.

Erlent
Fréttamynd

Fórnar­lömb vilja láta loka á Epstein-skjölin

Lögmenn nærri því hundrað fórnarlamba Jeffreys Epstein munu á morgun reyna að sannfæra alríkisdómara um að skipa ríkisstjórn Bandaríkjanna að loka netsvæði þar sem Epstein-skjölin svokölluðu eru aðgengileg. Fórnarlömbin segja að nöfn þeirra hafi verið opinberuð í skjölunum og að það hafi snúið lífi þeirra á hvolf.

Erlent
Fréttamynd

Trump vill hita hag­kerfið hressi­lega

Donald Trump Bandaríkjaforseti veðjar á að veruleg örvun ríkisfjármála, einföldun regluverks og aðhaldsminni peningastefna geti skilað öflugum hagvexti án þess að kynda undir verðbólgu. Reynslan í tugum landa aftur um aldir bendir til hins gagnstæða. Sú óhefðbundna tilraun sem nú er í gangi í Bandaríkjunum endar sjaldnast vel til lengri tíma litið.

Umræðan
Fréttamynd

Rússar gera á­rásir á orkuinnviði í Úkraínu

Rússar gerðu árásir á orkuinnviði og íbúðarhúsnæði í Úkraínu í nótt. Fjórir særðust í árásunum, bæði í Kænugarði og Kharkív. Að sögn vitna mátti heyra háværar sprengingar og þá kviknuðu eldar. Skemmdir urðu á innviðum á fimm svæðum, meðal annars á byggingu þar sem rekinn er leikskóli. 

Erlent
Fréttamynd

Lækkar tolla á Ind­land

Bandaríkin og Indland hafa komist að viðskiptasamkomulagi. Þeir fyrrnefndu hafa samþykkt að lækka töluvert tolla sína á indverskar vörur gegn því að Indland hætti að eiga í viðskiptum við Rússland.

Viðskipti erlent
Fréttamynd

Ekkert ó­venju­legt við kalt og bjart veður

Sigurður Þ. Ragnarsson, betur þekktur sem Siggi Stormur, ráðleggur skíðafólki að gera sér ekki upp vonir um snjókomu. Frostið fer að bíta síðar í vikunni en ekki líklegt að það bóli á snjónum.

Veður
Fréttamynd

Varpa loksins ljósi á um­deilt sam­komu­lag Epsteins frá 2008

Alríkissaksóknari sem lagði til árið 2007 að Jeffrey Epstein yrði ákærður í 32 liðum, sagði meðal annars að Epstein hefði hótað einu fórnarlamba sinna, sextán ára stúlku, og sagt að „slæmir hlutir“ gætu komið fyrir hana, ef hún talaði við yfirvöld. Hann var þá sakaður um að hafa brotið á fjölda stúlkna og ungra kvenna yfir sex ára tímabil.

Erlent
Fréttamynd

Birtu nektar­myndir af ungum konum fyrir mis­tök

Dómsmálaráðuneyti Bandaríkjanna birti fyrir mistök fjölda nektarmynda af ungum konum og mögulega táningum. Myndirnar voru úr einkasafni Jeffreys Epstein og hluti af Epstein-skjölunum svokölluðu. Lögin sem skikkuðu ráðuneytið til að birta skjölin fólu í sér að hylma átti yfir nekt á myndum Epsteins og andlit meintra fórnarlamba hans eða aðrar upplýsingar sem hægt væri að nota til að bera kennsl á þau.

Erlent
Fréttamynd

Efast um að öll Epstein-skjölin séu ekta

Lögmaður Þorbjörns Jagland, fyrrverandi forsætisráðherra Noregs og formanns Nóbelsnefndarinnar, telur ástæðu til að rannsaka frekar hvort að skjöl úr rannsókn á Jeffrey Epstein séu ósvikin. Fjölskylda Jagland heimsótti Epstein og hann var sjálfur í samskiptum við kynferðisbrotamanninn alræmda.

Erlent
Fréttamynd

Leyndar­dómar flug­vallarins í Denver: Dómsdagsbyrgi, hakakrossar og blár hestur með rauð­glóandi augu

Yfirleitt er ekki eftirsóknarvert að verða skotspónn samsæriskenninga. Orðspor skaðast, tortryggni magnast og allt samtal verður eldfimt. Denver-alþjóðaflugvöllurinn í Colorado er þó óvenjuleg undantekning, því þar tókst stjórnendum smám saman að snúa vörn í sókn og gera samsæriskenningar um flugvöllinn hluta af eigin ímynd.

Lífið
Fréttamynd

„Njósnasjeik“ keypti Trump-félag og fékk flögur

Nokkrum dögum áður en Donald Trump tók við embætti forseta Bandaríkjanna á nýjan leik í janúar í fyrra, keyptu sjeik úr konungsfjölskyldu Sameinuðu arabísku furstadæmanna og aðrir fjárfestar þaðan 49 prósenta hlut í rafmyntafélagi fjölskyldu forsetans.

Erlent

Mest lesið