Hnífi beitt á bæjarhátíðinni Í túninu heima

Þetta kemur fram í dagbók lögreglunnar á höfuðborgarsvæðinu.

Þar segir að engar alvarlegar líkamsárásir hafi átt sér stað í nótt á hátíðinni þó nokkuð hafi verið um unglingadrykkju og stympingar milli ungmenna. Talsverður verkefnafjöldi hafi þó fylgt hátíðinni.

Berserksgangur á hóteli og maður með kylfu

Þá kemur einnig fram í dagbókinni að talsverður erill hafi verið á höfuðborgarsvæðinu í nótt. 

Rétt fyrir tíu í gærkvöldi var tilkynnt um mann með kylfu utan við krá í miðborginni að ráðast að fólki. Hann var handtekinn og fluttur á lögreglustöð þar sem skýrsla var tekin af honum. 

Upp úr ellefu var tilkynnt um mann sem gekk berserksgang á hóteli og hafði verið með ógnandi tilburði við starfsfólk. Að lokum nægði að vísa honum af vettvangi.

Nokkrir ökumenn voru stöðvaðir vegna gruns um að aka undir áhrifum. Þá var einn bílstjóri valdur að umferðaróhappi og reyndi að flýja af vettvangi. Viðkomandi fannst skammt frá skysastað og var vistaður í fangageymslu í þágu rannsóknar málsins.