Reykja­víkur­mara­þonið í beinni á Vísi

Þau Ingvar Örn Ákason og Birna „MC Bibba“ Másdóttir verða á vettvangi að fylgjast með hlaupinu og ræða við hlaupara og aðra, Ingvar veður við markið og Bibba á brautinni. Ræst var í bæði maraþoni og hálfmaraþon klukkan 8:30 en honum lokað þegar skemmtiskokkið hófst.

Fleiri en sautján þúsund hafa skráð sig í hlaupið, sem er skráningarmet, en fyrra met var 15.552 árið 2014. Þá hefur söfnunarmet einnig verið slegið en þegar þetta er skrifað hafa safnast 293 milljónir sem er töluverð á bæting á metinu frá því í fyrra sem var um 250 milljónir.

Hér fyrir neðan má sjá dagskrá hlaupsins:

• 8:30 - Keppnisflokkur í maraþoni og hálfmaraþoni
• 8:40 - Almennur flokkur í maraþoni og hálfmaraþoni - Skemmtiganga í 10 km
• 9:30 - Keppnisflokkur í 10 km
• 9:40 - Almennur flokkur í 10 km
• 12:00 - Skemmtiskokk

Von er á mörgum öflugum hlaupurum. Þar á meðal keppir Andrea Kolbeinsdóttir í hálfmaraþoni kvenna en hún hefur tvisvar unnið hálfmaraþonið og á annan hraðasta tímann í sögu þess og Arnar Pétursson, sem hefur margoft unnið maraþonið, keppir í hálfmaraþoni í ár.