Westwood grátlega nálægt því að koma í hús á 59 höggum

Englendingurinn Lee Westwood lék ótrúlegt golf á tælenska meistaramótinu í dag og var aðeins einu höggi frá því að koma í hús á 59 höggum. Hann lék holurnar 18 sem sagt á 60 höggum eða 11 undir pari. Hann er með fimm högga forskot eftir daginn.

Westwood fékk 10 fugla og einn örn á hringnum góða sem er hans besti á ferlinum. Hann hefði hæglega getað gert betur því hann missti tvö auðveld pútt á hringnum.

"Eftir draumabyrjun fór mig að dreyma um 59 högg. Ég var sorglega nálægt þessu. Ég klúðraði þessu sjálfur," sagði Westwood sem var svekktur þrátt fyrir allt.

"59 er draumatala og það mun gerast ef það á að gerast."

Meistari John Daly er í öðru sæti á mótinu.